【娘娘自拍最啱用】手机壳内藏伸缩自拍神棍【娘娘自拍最啱用】手
女版主嘅朋友T係靓女一名,自愿从军入伍之士排到过海,最近 T 就谂住去韩国旅行喎,仲兴致勃勃咁上 YouTube 自学韩文。问曰:「咁你学识叫人帮手揸机影相韩文点讲未呀?」答曰:「洗乜呀,用自拍神棍咪得啰。」「吓点解唔请人帮手揸机影呀?」「我觉得自己影先会影得自己靓啲啰。」娘娘永远是对的。

 

下下拎住枝自拍神棍去旅行,又真係几重几麻烦嘅。有见之士最近就喺 Kickstarter 上推出一项新产品:自拍神棍 iPhone 壳「STIKBOX」。呢个壳外表同一般 iPhone 壳差不多,厚 17mm,不过壳嘅背面就暗藏八节伸缩铝製自拍神棍,拉出嚟就可以随时变 28.3 吋长嘅神棍。个壳共重 130g,神棍嚟讲就唔算重,当个手机壳就……

【娘娘自拍最啱用】手机壳内藏伸缩自拍神棍【娘娘自拍最啱用】手

不过 STICKBOX 都只係卖 19 蚊美金一个,折合约港币 $147,有壳有棍,iPhone 6 及 6s 适用;6 Plus / 6s Plus 版就卖 29 蚊美金(约港币 $225),有七种颜色选择,预计五月出货,难怪短短三日已经有超过 270 人支持呢个项目。咁会唔会出 Android 版呀?研究团队话暂时仲係专注喺 iPhone,不过未来都希望会推出 Android 咁话。